3.8.5.3.a Pagkakaiba ng katuturan ng -um- at mag-

3.8.5.3.a Pagkakaiba ng katuturan ng -um- at mag-

(i) May pagkakaiba ba sa kahulugan ang mga pangungusap sa bawa’t pares sa ibaba? Kung mayroon, magbigay ng katibayan batay sa balangkas; ipakita kung kailan ginagamit ang -um- at ang mag-. Kung walang pagkakaiba, bakit pinagkakaabalahan ng wika na sustentuhan ang dalawang paraan ng pagbabanghay? Bakit hindi isa na lang; hindi pa malilito si Ben, ‘yong aking kapitbahay.

Sumayaw si Ben.                         Nagsayaw si Ben.
Nagkuha si Ben ng mangga.     Nanguha si Ben ng mangga.
Lumangoy si Ben sa ilog.          Naglangoy si Ben sa ilog.

(ii) Bakit kaya tinatanggap ang makiusap pero hindi ang *pumakiusap? Bakit kaya tinatanggap ang magpatihulog pero hindi ang *pumatihulog? Anong bahagi ng mga pandiwang ito ang dahilan kung bakit tinatanggap ang isang banghay pero hindi ang isa pang banghay?