BALANGKAS, ATBP.

Samot-sari tungkol sa balangkas ng kahit ano, at kung ano-ano pa

“Ng” at “Nang”

with 3 comments

Pag-isahin ang baybay ng “ng” at “nang”?
Kung hindi pinagkaabalahan ng ating wika na pag-ibahin ang bigkas ng “ng” at “nang,” bakit natin pagkakaabalahan na pag-ibahin ang kanilang baybay? (At kung pag-iisahin ang baybay, alin ang pipiliin?)

Panatilihing magkaiba ang baybay ng “ng” at “nang”?
Hindi rin pinag-iiba ng wika ang bigkas sa pangngalang pantangi “proper noun” (si Presidente) at pangngalang pambalana “common noun” (ang presidente), pero bakit natin pinag-iiba ang kanilang sulat? Sapagka’t magkaiba ang pagsasalita at pakikinig sa pagsulat at pagbasa. Sa pagsulat, importante na magkaiba ang anyo kung magkaiba ang kahulugan. Mainam din na samantalahing gamitin ang mga simbolo para mapatanyag ang katangian ng mga salita (hal., kapitalisado ang pantangi).

Ano’ng palagay ninyo?

Sanggunian:
Batnag, Aurora E. 1997. “Ang nang at ng: mungkahing pagbabago”. Daluyan VII:3, 301-304.

Written by Resty Cena

September 1, 2011 at 6:51 am

3 Responses

Subscribe to comments with RSS.

  1. Hi, Resty,
    Hindi na yata matututuhan ng mga titser (mga titser ,ha?) ang wastong gamit ng NG at NANG. Ito ang dahilan kung bakit iminungkahi kong isang baybay na lang ang gamitin. At kung papipiliin ang sambayanan, NG ang gagamitin nila.

    Aurora E. Batnag

    September 23, 2011 at 11:33 am

  2. Aling gamit kaya ang pinagkakamalian ng marami? Kung alam natin, baka makatulong kung tututukan ang parteng ‘yon.

    Kung pipili ng isa, “ng” nga ang tila mas kakaunting problema, halimbawa, asiwang basahin ang “Ng dumating si Ben,” pero ang mga asiwa ay makakasanayan din. Isang maliit na problema kung may dalawang basa ang “ng”. Halimbawa, ang (1) sa ibaba ay may basang adverbial sa (2), at layon sa (3)

    1. Ayoko ng pansit ang kinakain araw-araw.
    2. = Ayoko nang pansit ang kinakain araw-araw.
    3. = Ayoko ng pansit ang kinakain araw-araw.

    Tanong:
    1. Saan-saan pang gamit may mahigit na isang basa ang “ng”, at gaano kagrabe ang magiging hindi pagkakaintindihan.
    2. Doon sa mga gamit na mali, nasisira ba ang kahulugan? Kung hindi, baka puwede nang “pagpasensyahan”.

    Resty Cena

    September 23, 2011 at 7:59 pm

  3. Dapat kung alin yung tamang baybay at kahulugan ng mga salita, dapat panatilihin natin ito. Kasi magkakaiba sila ng ibig sabihin. Halimbawa nito yung salitang “baka” e dalawa ang kahulugan nito, yung isa katumbas ng Ingles na “maybe”. At yung kahulugan nung isa naman, ay isang uri ng hayop o sa Ingles ay “cow”. Dapat huwag ibahin yung talagang mga kataga, kasi mag-iiba talaga ang ibig sabihin nila pag mali ang nilagay na baybay. At isa pa yung sa pagbigkas, dapat ibigkas yung salita nang tama….

    Alvin Anceno

    August 21, 2013 at 1:30 pm


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: